#biriktirilgan_tashkilot
#deputat_faoliyati
#kotibiyat_xodimi_faoliyati
#162_ta_Qonunlar_ijrosi

Bandixon tumanida biriktirilgan tashkilot — AT “Xalq banki” filial faoliyati tahlil qilindi

Bandixon tumanida aholiga moliya-bank xizmatlarini ko‘rsatish sifatini oshirish, tadbirkorlik subyektlarini qo‘llab-quvvatlash hamda sоhadagi qonunchilik hujjatlari ijrosini ta’minlash borasida deputatlik nazorati tadbirlari o‘tkazilmoqda.

Xalq deputatlari Bandixon tuman Kengashi kotibiyati mudiri, deputat A.Pardayev hamda tuman Kengashi bosh mutaxassisi B.Qurbonov deputatga biriktirilgan tashkilot hisoblangan AT “Xalq banki” Bandixon tumani Bank xizmatlari markazida bo‘ldi.

Tashrif davomida O‘zbekiston Respublikasining «Banklar va bank faoliyati to‘g‘risida»gi Qonuni (O‘RQ–580-son) ijrosini ta’minlash yuzasidan tuzilgan savolnoma asosida filial faoliyati o‘rganildi. Monitoring jarayonida mijozlarga xizmat ko‘rsatish madaniyati, kredit ajratish tartibi va tezkorligi, shuningdek, fuqarolar murojaatlarini ko‘rib chiqish holati atroflicha tahlil qilindi.

Yakunda bank mas’ullari bilan birgalikda aniqlangan kamchiliklarni bartaraf etish hamda o‘zaro hamkorlikni kuchaytirish masalalari muhokama qilindi.