#deputat_faoliyati

Chiqindilarni o‘z vaqtida olib chiqish holati o‘rganildi

Hududlarda obodonlashtirish va sanitariya holatini yaxshilash, maishiy chiqindilarni o‘z vaqtida olib chiqish hamda aholi uchun qulay va toza muhit yaratish masalalari doimiy e’tiborda.
Xalq deputatlari Jondor tumani Kengashi deputati B. Dilliyev tomonidan tumanda maishiy chiqindilarni o‘z vaqtida olib chiqish holati o‘rganildi.
O‘rganish davomida hududlarda chiqindilarni yig‘ish va olib chiqish ishlari, mavjud muammolar hamda sanitariya-obodonlashtirish talablariga rioya etilishi holatiga e’tibor qaratildi. Shuningdek, chiqindilarni belgilangan muddatlarda olib chiqish, hududlarni toza saqlash va aholiga ko‘rsatilayotgan xizmatlar sifatini oshirish masalalari muhokama qilindi.
Aniqlangan kamchiliklarni bartaraf etish, chiqindilarni o‘z vaqtida olib chiqishni ta’minlash hamda xizmatlar sifatini yaxshilash yuzasidan mas’ullarga tegishli tavsiya va ko‘rsatmalar berildi.
Hududlarda sanitariya va obodonlashtirish holatini yaxshilash borasidagi deputatlik nazorati davom ettiriladi.

Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt