Xalq deputatlari Oltinsoy tumani Kengashi huzuridagi Yoshlar maslahat guruhi rahbari Normurodov Jahongir O‘rol o‘g‘lining tashabbusi bilan mahalla hududida sog‘lom turmush tarzini targ‘ib qilishga qaratilgan amaliy sport tadbiri tashkil etildi.
Ommaviy sport tadbirida mahalla nuroniylari, yoshlar hamda faol fuqarolar bir tanu bir jon bo‘lib ishtirok etishdi.

Tadbir davomida amalga oshirilgan ishlar:

·“5000 qadam” marafoni: Mahalla ko‘chalari va yo‘laklari bo‘ylab davlat bayroqlarini ko‘targan holda nuroniylar hamda yoshlar ishtirokida ommaviy piyoda yurish marafoni o‘tkazildi.

·Ommaviy badantarbiya mashqlari: Marafondan so‘ng ta’lim muassasasi hovlisida barcha qatnashchilar uchun ertalabki badantarbiya mashqlari tashkil etildi.

·Madhiya va ma’naviy birlik: Tadbir avvalida ishtirokchilar tomonidan O‘zbekiston Respublikasi Davlat madhiyasi jo‘rlikda kuylanib, vatanparvarlik va hamjihatlik ruhi namoyon etildi.

Ushbu ommaviy-sport tadbiri mahalla ahli, ayniqsa yoshlar va nuroniylar o‘rtasida salomatlikni mustahkamlash va sportga bo‘lgan qiziqishni oshirishda muhim amaliy qadam bo‘ldi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz