Keyingi manzilda Xalq deputatlari Taxiatosh tumani Kengashiga Oʻzbekiston Liberal-demokratik partiyasidan saylangan deputat Turdiyev Anvar Xaytbayevich Kotibiyat bosh mutaxassisi D.Xodjanov bilan birgalikda o‘zi saylangan “Shamchiroq” MFY 11-Aqsungul saylov okrugi hududida Investitsiyalar va investitsiya faoliyati to‘g‘risidagi O‘zbekiston Respublikasining Qonuni (№O‘RQ-598, Qabul qilingan sana 25.12.2019) ijrosi yuzasidan o‘rganish olib bordi.

🏪 O‘rganish davomida mahalla hududida faoliyat yuritayotgan “Taxiatosh Jayxun” savdo markazi ko‘zdan kechirildi.

💼 Mazkur savdo markazida maishiy texnika mahsulotlarini sotishga ixtisoslashgan loyiha tadbirkorning o‘z mablag‘lari hisobidan investitsiya kiritish orqali amalga oshirilgani qayd etildi.

💬 Tashrif davomida tadbirkorning faoliyatini yanada rivojlantirish, savdo hajmini oshirish va mavjud imkoniyatlardan samarali foydalanish masalalari muhokama qilindi.

🤝 Faoliyatni kengaytirish maqsadida hokim yordamchisi tomonidan imtiyozli kredit olish, shuningdek, huquqiy va amaliy masalalarda ko‘mak ko‘rsatish taklif etildi. Tadbirkor tomonidan mazkur takliflar ma’qullandi.

📈 Mahallalarda investitsiya loyihalarini qo‘llab-quvvatlash — tadbirkorlikni rivojlantirish, xizmatlar ko‘lamini kengaytirish va yangi iqtisodiy imkoniyatlar yaratishga xizmat qiladi.