Xalq deputatlari Boyovut tumani Kengashi deputati X. Jo‘raxolov tomonidan Shirin mahallasi saylovchilariga 2026-yilning 2-choragi yakunlari bo‘yicha amalga oshirilgan faoliyat yuzasidan axborot berildi.

Uchrashuvda Xalq deputatlari Boyovut tumani Kengashi kotibiyati mudiri X. Berdiyarova, mahalla saylovchilari hamda ko‘chaboshilar ishtirok etdi. Tadbir davomida deputatning joriy yil II chorakdagi faoliyati yuzasidan axboroti tinglanib, hududni rivojlantirish borasida amalga oshirilgan ishlar, istiqboldagi vazifalar hamda saylovchilarni qiynayotgan dolzarb masalalar yuzasidan ochiq muloqot o‘tkazildi.

✅ Shirin mahallasida amalga oshirilgan ishlar

Deputat tomonidan ta’kidlanganidek, 

🔹 O‘zbekiston Respublikasi Prezidentining PQ-93-son qarori doirasida:

• 51-sonli umumiy o‘rta ta’lim maktabiga quyosh paneli o‘rnatildi, natijada muassasaning elektr energiyasi xarajatlarini qisqartirish hamda qayta tiklanuvchi energiya manbalaridan samarali foydalanish imkoniyati yaratildi.
  

🔹 Investitsiya dasturlari doirasida:

• 33-sonli maktabgacha ta’lim tashkiloti rekonstruksiya qilinib, zamonaviy talablar asosida faoliyat yuritishi uchun zarur sharoitlar yaratildi.
  
• 51-sonli umumiy o‘rta ta’lim maktabi rekonstruksiya qilinib, ta’lim sifati va o‘quvchilar uchun yaratilgan sharoitlar sezilarli darajada yaxshilandi.
  

Mazkur loyihalar orqali mahallada ta’lim infratuzilmasini rivojlantirish, zamonaviy va qulay ta’lim muhitini yaratish hamda aholiga ko‘rsatilayotgan xizmatlar sifatini oshirishga alohida e’tibor qaratildi.

📝 Saylovchilar tomonidan ko‘tarilgan dolzarb masala

Uchrashuv davomida fuqarolar tomonidan 51-sonli umumiy o‘rta ta’lim maktabi hududida zamonaviy sport zalini barpo etish masalasi ko‘tarildi.

Ta’kidlanishicha, bugungi kunda maktabda jismoniy tarbiya mashg‘ulotlarini yilning barcha fasllarida zamonaviy sharoitlarda tashkil etish uchun sport zali mavjud emas. Bu esa o‘quvchilarning sport bilan muntazam shug‘ullanishi hamda ommaviy sport tadbirlarini o‘tkazishda ayrim qiyinchiliklarni keltirib chiqarmoqda.

Shu munosabat bilan mazkur obyektni tegishli davlat dasturlari va investitsiya loyihalariga kiritish, sport zalini qurish uchun zarur mablag‘larni ajratish masalasini ko‘rib chiqish yuzasidan amaliy yordam so‘raldi.

📌 Uchrashuv yakunida saylovchilar tomonidan bildirilgan murojaat va takliflar deputat tomonidan nazoratga olinib, ularning ijobiy yechimini ta’minlash maqsadida tegishli tashkilotlarga deputatlik so‘rovlari yuborilishi hamda deputatlik nazorati doirasida muntazam monitoring olib borilishi ta’kidlandi.