Xalq deputatlari tuman Kengashi qarorining ijrosi monitoring qilindi

✅ Xalq deputatlari tuman kengashi raisi B.K.Xaitov, tuman Kengashi deputatlari birgalikda Kengash kotibiyati xodimi Z.O‘zbekovaga biriktirilgan 3-Toqchi saylov okrugi hududida Xalq deputatlari tuman kengashining 2026-yil 3-fevraldagi “O‘zbekiston Respublikasi Vazirlar Mahkamasining 2024-yil 11-oktabrdagi “Shaharlar va boshqa aholi punktlari ko‘chalari hamda ichki xo‘jalik yo‘llari infratuzilmasini yanada takomillashtirish to‘g‘risida”gi 665-sonli qarorining tumandagi ijrosi haqida”gi VII-19-10-8-110-K/26-sonli qarori qarori ijrosini ta’minlash doirasida amalga oshirilgan asfaltlash ishlarining sifati joyiga chiqqan holda atroflicha o‘rganildi. O‘rganish jarayonida yo‘l qoplamasining sifati, asfaltning qalinligi, tekisligi, zichligi hamda qurilish ishlarining tasdiqlangan loyiha-smeta hujjatlari va texnik me’yorlar talablariga muvofiqligi tahlil qilindi.

✅ Toqchi mahallasida istiqomat qiluvchi bir guruh fuqarolar xususan, Hamroyev Rustam, Niyozov Parda, Bozorova Mastura, A’zamova Nilufar va Hamroyev Ramazonlar ushbu yotqizilgan asfaltning sifati bo‘yicha o‘z e’tirozlarini bildirib o‘tdilar. Aniqlangan kamchiliklar va bajarilgan ishlarning sifati yuzasidan tuman Kengashi tomonidan tegishli tashkilotlar bilan hamkorlikda ishlar olib borilishi belgilab olindi.

✅ Aholi uchun qulay va xavfsiz harakatlanish sharoitini yaratish, budjet mablag‘laridan samarali foydalanish hamda har bir qurilish ob’ektida sifat nazoratini kuchaytirish doimiy deputatlik va jamoatchilik nazoratida bo‘lishi ta’kidlandi.

Ma’lumot uchun: Xalq deputatlari tuman Kengashining 2026-yil 3-fevraldagi “O‘zbekiston Respublikasi Vazirlar Mahkamasining 2024-yil 11-oktabrdagi “Shaharlar va boshqa aholi punktlari ko‘chalari hamda ichki xo‘jalik yo‘llari infratuzilmasini yanada takomillashtirish to‘g‘risida”gi 665-sonli qarorining tumandagi ijrosi haqida”gi VII-19-10-8-110-K/26-sonli qaroriga asosan Toqchi mahallasida 200 metr asfalt yotqizish ishlari bajarilishi nazarda tutilgan.