Deputat saylov okrugidagi muammoni joyida o‘rganib, ro‘yxatga olish kitobiga qayd etdi

Xalq deputatlari Boyovut tumani Kengashi deputati, A. Navoiy saylov okrugi deputati Karimova Karima tomonidan mahalla xotin-qizlar faoli bilan birgalikda saylov okrugiga kelib tushgan fuqaro murojaati yuzasidan joyiga chiqib o‘rganish o‘tkazildi.

O‘rganish davomida fuqaro tomonidan ko‘tarilgan bepul davolanish masalasi atroflicha ko‘rib chiqilib, saylov okrugidagi muammolarni ro‘yxatga olish kitobiga qayd etildi.

Shuningdek, murojaatda ko‘tarilgan masalani ijobiy hal etish maqsadida tegishli tashkilotga deputatlik tartibida murojaat yuborildi.

Xalq deputatlari Boyovut tumani Kengashi deputatlari tomonidan saylov okruglaridagi muammolarni joyida o‘rganish, ularni ro‘yxatga olish kitobi asosida tizimli nazoratga olish hamda fuqarolar murojaatlariga amaliy yechim topish borasidagi ishlar izchil davom ettirilmoqda.