Navoiy davlat universitetida o‘rganish ishlari olib borildi

Xalq deputatlari Navoiy shahar Kengashi tomonidan belgilangan vazifalar ijrosi yuzasidan tegishli tashkilot va muassasalarda o‘rganish ishlari amalga oshirilmoqda.

Shu munosabat bilan Xalq deputatlari Navoiy shahar Kengashi kotibiyati mudiri Jo‘rabek Hafizov hamda kotibiyat bosh mutaxassisi Diyorbek Toyirov tomonidan Navoiy davlat universitetida o‘rganish ishlari olib borildi.

O‘rganish jarayonida universitetda ta’lim jarayonining tashkil etilishi, professor-o‘qituvchilar hamda talabalar uchun yaratilgan shart-sharoitlar, mavjud muammolar va ularni bartaraf etish bo‘yicha amalga oshirilayotgan ishlar holati o‘rganildi.

Shuningdek, muassasa mas’ullari bilan suhbat o‘tkazilib, faoliyat samaradorligini yanada oshirish, mavjud masalalarni hal etish hamda kelgusidagi vazifalar yuzasidan fikr almashildi.
O‘rganish yakunlari bo‘yicha aniqlangan holatlar tahlil qilinib, tegishli tavsiya va takliflar ishlab chiqildi.