Deputat tomonidan aholi muammolari joyiga chiqib o‘rganildi

Xalq deputatlari Qo‘shko‘pir tumani Kengashi raisi M. Tangriberganov hamda deputati A. Jumaniyozovlar “Taraqqiyot” mahallasida bo‘lib, ko‘chama-ko‘cha yurish orqali aholi bilan bevosita muloqot qildi hamda fuqarolarni qiynayotgan muammo va takliflarni joyida o‘rgandilar.
O‘rganish jarayonida aholini ijtimoiy qo‘llab-quvvatlash, kommunal xizmatlar sifati, infratuzilmani rivojlantirish, obodonlashtirish ishlari, bandlik va tadbirkorlikni qo‘llab-quvvatlash hamda fuqarolar murojaatlarini o‘z vaqtida hal etish masalalariga alohida e’tibor qaratildi.
Deputat tomonidan bildirilgan murojaat va takliflar tizimli tahlil qilinib, ularni qonunchilik doirasida ijobiy hal etish, mas’ul tashkilotlar bilan hamkorlikni kuchaytirish hamda aholi manfaatlarini ta’minlash yuzasidan tegishli tavsiya va topshiriqlar berildi.
Ta’kidlanganidek, deputatlarning saylovchilar bilan doimiy muloqoti, hududlardagi muammolarni joyida o‘rganishi va ularning yechimini ta’minlash bo‘yicha parlament nazoratini samarali amalga oshirishi xalq manfaatlariga xizmat qiluvchi ochiq va mas’uliyatli boshqaruvning muhim omillaridan biridir.