Shuningdek, xalq bilan muloqotni yanada mustahkamlash maqsadida Xalq qabulxonasi bosh mutaxassisi Erkin Rizayev aholi muammolari bilan ishlash tizimini takomillashtirishga doir farmon ijrosiga to'xtalib o'tayotgan bo'lsa, tuman adliya bo'limi boshlig'i Shavkat Tojiboyev norma ijodkorligi hamda huquqni qo'llash amaliyoti holati yuzasidan axborot taqdim etmoqda. Davlatimiz tayanchi bo'lgan qonun ustuvorligini ta'minlash yo'lida tuman prokurori Baxodir Jalilov va IIB boshlig'i Abdulaziz Mullajonovlar o'tgan olti oy davomida jinoyatchilik hamda huquqbuzarliklarning oldini olish borasida qilingan mashaqqatli mehnat va natijalarni tahlil qilib bermoqdalar.

Sessiya kun tartibidagi navbatdagi masalalar ham o'zining ahamiyati bilan barcha deputatlar va faollar e'tiborini tortmoqda. tuman soliq inspeksiyasi boshlig'i Sanjar Abduvaliyev ikkinchi chorak yakunlari va mahalliy budjet daromadlarining prognoz ko'rsatkichlari ijrosi yuzasidan batafsil to'xtalib o'tmoqda. Shu bilan birga, hududiy yaxlitlik masalalariga ham alohida e'tibor qaratilib, Respublika aerogeodeziya markazi bo'lim boshlig'i Umidjon Tojiboyev tuman hududidagi shaharcha va qishloqlarning ma'muriy-hududiy chegaralarini aniq belgilash yuzasidan hisobot o'qimoqda. Yig'ilishning mantiqiy va amaliy qismi sifatida tuman hokimligi iqtisodiyot va moliya bo'limi boshlig'ining birinchi o'rinbosari Baxrom Abduraxmonov tomonidan mahalliy byudjetning qo'shimcha mablag'lari hamda infratuzilma va ijtimoiy barqarorlik jamg'armasi hisobidan mablag'larni maqsadli ajratish loyihalari muhokamaga qo'yilmoqda. Bir so'z bilan aytganda, ayni daqiqalarda Toshkent tumanining kelgusi taraqqiyoti uchun xizmat qiladigan eng strategik va hayotiy qarorlar ko'rib chiqilmoqda.