📋 Xalq deputatlari Shovot tumani Kengashi sessiyasi kun tartibiga kiritilgan Shovot tumani Oila va xotin-qizlar bo‘limi boshlig‘i Jumaniyozova Saida Nuraddinovnaning 2026-yil II choragida amalga oshirilgan faoliyati yuzasidan hisobotini har tomonlama o‘rganish maqsadida Shovot tumani Sog‘liqni saqlash bo‘limida o‘rganish ishlari olib borildi.
👩‍⚕️ O‘rganish davomida tumandagi xotin-qizlar salomatligini mustahkamlash, ularning tibbiy ko‘rikdan o‘tishi, reproduktiv salomatlikni muhofaza qilish, profilaktik tadbirlar samaradorligi hamda sog‘liq bilan bog‘liq mavjud muammolarni bartaraf etish bo‘yicha amalga oshirilayotgan ishlar atroflicha ko‘rib chiqildi.
👥 O‘rganishda Xalq deputatlari Shovot tumani Kengashining 11-Istiqbol saylov okrugi deputati Dosova Gulxumar Quranbayevna hamda Kengash kotibiyati xodimi Ro‘zmetov Umrbek Shavkatovich ishtirok etdi.
✅ O‘rganish yakunlari bo‘yicha aniqlangan holatlar yuzasidan tegishli taklif va tavsiyalar ishlab chiqilib, mazkur masala Xalq deputatlari Shovot tumani Kengashining navbatdagi sessiyasida ko‘rib chiqilishi belgilandi.