#deputatlar_nazorati #poytaxtdeputatlari #deputatlik_faoliyati #Sessiya_oldi_organish #Namunaviy_komissiya_qarorlari

🏥 O‘rganishlarning navbatdagi manzili – Toshkent shahar 2-tumanlararo Perinatal markazi akusherlik qabul bo‘limi

🏛 Kun davomida olib borilgan o‘rganishlar navbatdagi manzil sifatida Toshkent shahar 2-tumanlararo Perinatal markazi akusherlik qabul bo‘limida davom ettirildi. Xalq deputatlari Toshkent shahar Kengashining Fan, ta’lim va sog‘liqni saqlash masalalari bo‘yicha doimiy komissiyasi a’zolari, shahar Kengashi deputatlari hamda Kengash kotibiyati xodimlari tomonidan namunaviy doimiy komissiya qarorlarida belgilangan vazifalar ijrosi yuzasidan amalga oshirilayotgan joylardagi o‘rganishlar doirasida mazkur muassasa faoliyati atroflicha tahlil qilindi.

📖 O‘rganishlar O‘zbekiston Respublikasi Konstitutsiyasi, "Fuqarolar sog‘lig‘ini saqlash to‘g‘risida"gi Qonun, sog‘liqni saqlash tizimini rivojlantirishga qaratilgan Prezident farmon va qarorlari hamda Xalq deputatlari Toshkent shahar Kengashining 2026-yil 17-martdagi VII-20-26-14-0-K/26-son qarori ijrosi doirasida olib borildi.

👩‍⚕️ Perinatal markaz rahbariyati deputatlarni akusherlik qabul bo‘limi faoliyati bilan tanishtirib, homilador ayollarni sutkaning 24 soati davomida qabul qilish tizimi, ona va homila holatini baholash, shoshilinch akusherlik-ginekologik yordam ko‘rsatish, zamonaviy tibbiy uskunalardan foydalanish, tug‘ruq zali, operatsion blok va reanimatsiya bo‘limlari bilan uzviy ishlash mexanizmi hamda yuqori xavf guruhidagi homiladorlarga ko‘rsatilayotgan tibbiy xizmatlar haqida batafsil ma’lumot berdilar.

🔺 O‘rganish davomida deputatlar tomonidan tavsiyaviy savolnomada belgilangan qator masalalar yuzasidan mutasaddilarga bevosita savollar berildi. Jumladan, davlat dasturlarining ijrosi, kasalliklar profilaktikasi va sog‘lom turmush tarzini targ‘ib qilish, birlamchi tibbiy-sanitariya yordami bilan uzviy hamkorlik, homilador ayollarni kuzatish va patronaj tizimi, shoshilinch tibbiy yordam (103) xizmati bilan hamkorlik, tibbiyot xodimlarining malakasi va ilmiy salohiyati, moddiy-texnik ta’minot, zamonaviy tibbiy uskunalarga mavjud ehtiyoj, raqamlashtirish jarayonlari, elektron platformalardan foydalanish, korrupsiyaning oldini olish bo‘yicha amalga oshirilayotgan ishlar, bemorlar uchun yaratilgan sharoitlar hamda Xalq deputatlari Toshkent shahar Kengashining VII-20-26-14-0-K/26-son qarori ijrosi yuzasidan batafsil ma’lumotlar so‘raldi.

💬 Mutasaddilar tomonidan deputatlarning savollariga atroflicha javob berilib, bugungi kunda markazda homilador ayollarni qabul qilish, saralash va yo‘naltirish jarayonlari amaldagi klinik protokollar asosida tashkil etilgani, shoshilinch holatlarda tibbiy yordam uzluksiz ko‘rsatilayotgani, zamonaviy diagnostika uskunalaridan samarali foydalanilayotgani hamda raqamli texnologiyalarni keng joriy etish bo‘yicha ishlar izchil davom ettirilayotgani ta’kidlandi. Shuningdek, mavjud ehtiyojlar va tizimni yanada takomillashtirish bo‘yicha rejalashtirilgan chora-tadbirlar yuzasidan ham ma’lumotlar berildi.

🤝 Shundan so‘ng deputatlar markazga murojaat qilgan fuqarolar va ularning yaqinlari bilan suhbatlashib, ularga yaratilgan sharoitlar, tibbiy xizmat sifati, kutish xonalari, tibbiyot xodimlarining muomalasi hamda mavjud muammolar yuzasidan fikr-mulohazalarini tingladilar. Bildirilgan murojaat va takliflar asosida ayrim masalalar joyida muhokama qilinib, ularni bartaraf etish bo‘yicha mas’ullarga tegishli tavsiyalar berildi.

🔎 Xalq deputatlari Toshkent shahar Kengashi deputatlari tomonidan sog‘liqni saqlash muassasalarida olib borilayotgan o‘rganishlar davom etmoqda. Har bir o‘rganish natijasida aniqlangan muammo va takliflar tizimli ravishda umumlashtirilib, ularning amaliy yechimini ta’minlash hamda aholiga ko‘rsatilayotgan tibbiy xizmatlar sifatini yanada oshirish yuzasidan tegishli choralar ko‘rilmoqda.

📱 Telegram 📱 Instagram 📱 Facebook 📱 YouTube 🔎 E-kengash