Xalıq deputatları Bozataw rayonlıq Keńesi 8-“Erkindárya” saylaw okruginen (ÓzLiDeP) deputat J.Jumanazarov hám Keńes sekretariatı bas qánigesi K.Aitmuratov penen birgelikte óz saylaw okrugi aymaǵındaǵı Erkindárya suw jetkerip beriw stanciyası (EKOS) jumısı menen tanısıw maqsetinde úyreniw alıp barıldı. 

Úyreniw dawamında ishimlik suwı jetkerip beriwi stanciyanıń texnikalıq jaǵdayı, ishimlik suwdı jetkerip beriw sisteması, qurılmalar menen úskenelerdiń islew jaǵdayı hám xalıqtı taza ishimlik suwı menen grafik tiykarında támiyinlew boyınsha alıp barılıp atırǵan jumıslar qarap shıǵıldı. 

Sonday-aq, suw jetkerip beriwde júzege keliwi múmkin bolǵan mashqalalar, olardıń aldın alıw ilajları hám xızmet sapasın jáne de jaqsılaw máseleleri boyınsha tiyisli qánigeler menen pikir almasıldı. Úyreniw nátejesinde suw jetkerip beriw stanciyasıdaǵı suw tazalawshı filtirlerdiń tozıǵı jetip almastırıw jaǵdayına kelip qalǵan. 

Úyreniw juwmaǵında deputat tárepinen xalıqtıń sapalı ishimlik suwı menen támiyinleniwin jáne de bekkemlew, stanciya jumısınıń nátiyjeliligin arttırıw boyınsha usınıslar bildirildi hám bul másele júzesinen deputatlıq soraw shıǵarılıwı belgilep ótildi.