Deputat Abduvali Ismailov "Chig‘atoy Oqtepa" MFY hududdagi aholi murojaatlari yuzasidan so‘rov yubordi

🏛 Xalq deputatlari Olmazor tumani Kengashi deputati Abduvali Ismailov Olmazor tumanidagi “Chig‘atoy Oqtepa” MFY mahalla fuqarolar yig‘inida “yettilik” a’zolari va fuqarolar bilan uchrashuv o‘tkazdi. Uchrashuv davomida aholining turmush sharoiti o‘rganilib, bir qator dolzarb masalalar aniqlangan.

📝 Shu munosabat bilan deputat Abduvali Ismailov O‘zbekiston Respublikasi Mahalla uyushmasi Olmazor tuman bo‘limi boshlig‘i
Sh.Mirzaxmedovga deputatlik so‘rovi yubordi. So‘rovda quyidagi masalalar ko‘tarildi:

🔺Murojaatda “Chig‘atoy Oqtepa” MFY mahallada mahalla fuqarolar yig‘ini binosi mavjud emasligi;

🔺 Natijada mazkur holat mahalla xodimlarining xizmat vazifalarini samarali bajarishi hamda fuqarolarni munosib sharoitda qabul qilishiga salbiy ta'sir ko‘rsatishi;

🔺 “Chig‘atoy Oqtepa” mahalla fuqarolar yig‘ini binosining qurilishi yuzasidan olib borilayotgan ishlarning holatini atroflicha o‘rganib, qurilishning boshlanish muddati hamda (agar boshlangan bo‘lsa) yakunlanish sanalari haqida batafsil va asoslantirilgan ma’lumot taqdim etilishini;

🔺 Mazkur obyekt qurilishini jadallashtirish, mavjud muammo va to‘siqlarni bartaraf etish yuzasidan ko‘rilayotgan choralar hamda kelgusidagi rejalarga oid aniq ma’lumot kiritilishi so‘ralgan.

📁 Deputat so‘rovining asosiy maqsadi — mahalla infratuzilmasini yaxshilash, aholi xavfsizligi va qulayligini ta’minlash, bolalar va fuqarolar uchun yashash sharoitini yaxshilashdir. Shu bilan birga, hokimlikdan so‘rovga 10 kun ichida asoslantirilgan javob taqdim etilishi so‘ralgan.


⚡️ Bizni ijtimoiy tarmoqlarda kuzatib boring!