Sessiya kun tartibidagi masala yuzasidan o‘rganish olib borildi

Xalq deputatlari Termiz tuman Kengashi deputati G. Shafoatova hamda Kengashning bosh mutaxassisi K. Abdullayeva bilan birgalikda Kadastr palatasi Termiz tuman filialida bo‘lib, Xalq deputatlari Termiz tuman Kengashining navbatdagi sessiyasi kun tartibiga kiritiladigan masala yuzasidan o‘rganish ishlari olib bordi.

O‘rganish davomida soha faoliyati, amalga oshirilayotgan ishlar, mavjud holat va istiqboldagi vazifalar yuzasidan mas’ullar bilan muloqot qilinib, tegishli ma’lumotlar hamda tahliliy materiallar yig‘ildi.

Shuningdek, sessiyada ko‘rib chiqilishi rejalashtirilgan masala bo‘yicha mavjud muammolar, ularni bartaraf etish choralari hamda sohani yanada rivojlantirishga qaratilgan takliflar muhokama qilindi.

Mazkur o‘rganish natijalari asosida sessiya muhokamalariga kiritish uchun tegishli xulosa va takliflar tayyorlanadi.

Hududlarni kompleks rivojlantirish va aholi manfaatlarini ta’minlashga qaratilgan har bir qaror puxta o‘rganish va tahlillar asosida qabul qilinadi.