Халқ депутатлари Олтинкўл тумани Кенгаши котибияти мудири, 17-«Сарой-1» сайлов округидан сайланган депутат У. Холматов бугун масъул ходимлардан иборат ишчи гуруҳ билан биргаликда ҳудуддаги 27-сонли мактабгача таълим ташкилотида бўлиб, муассаса фаолиятини атрофлича ўрганди.
Ўрганиш жараёнида муассасанинг кириш қисми, бино ва унинг атроф муҳитининг санитария-гигиена ҳолати, фавқулодда вазиятларга тайёргарлик даражаси, ошхона шароитлари ҳамда белгиланган талабларга мувофиқлиги кўздан кечирилди.
Шунингдек, тарбияланувчи болажонлар учун яратилган сайр майдончалари ва ўйин ҳудудларининг шарт-шароитлари, овқатланиш тартиби, тиббий кўрик ҳужжатлари ҳам ўрганилиб, аниқланган масалалар юзасидан масъулларга тегишли тавсия ва топшириқлар берилди.
Бундай ўрганишлардан кўзланган асосий мақсад муассасада тарбияланаётган болалар учун хавфсиз, соғлом ва замонавий муҳитни таъминлашдан иборат.