O‘zbekiston Respublikasi Vazirlar Mahkamasining 2024-yil 31-maydagi 313-sonli qarori ga muvofiq, “Temir daftar” orqali ijtimoiy xizmatlar ko‘rsatish hamda “Saxovat va ko‘mak” jamg‘armasi mablag‘laridan foydalanish tartibi takomillashtirildi.

✅ Ijtimoiy yordam oluvchilar doirasi kengaytirildi

Endilikda ijtimoiy yordam nafaqat “Temir daftar”ga kiritilgan fuqarolarga, balki kambag‘al oilalar reyestriga kiritilgan oilalarga ham taqdim etiladi.

Oila a’zosiga to‘g‘ri keladigan o‘rtacha daromad minimal iste’mol xarajatlarining 2 baravaridan oshmasligi lozim.

Muhtoj oilalar “Yagona milliy ijtimoiy himoya” axborot tizimi orqali avtomatik aniqlanadi.

✅“Saxovat va ko‘mak” jamg‘armasi mablag‘lari manbalari

Jamg‘arma mablag‘lari:

homiylik va xayriya mablag‘lari;

davlat budjeti va mahalliy budjetlarning qo‘shimcha manbalari;

qonunchilikda taqiqlanmagan boshqa tushumlar hisobidan shakllantiriladi.

🤝 Jamg‘arma mablag‘lari qanday maqsadlarda sarflanadi?

Ehtiyojmand oilalarga:

dori-darmon va davolanish xarajatlari;

oziq-ovqat, kiyim-kechak va boshqa birlamchi ehtiyoj mahsulotlari;

ijtimoiy qo‘llab-quvvatlashning boshqa turlari bo‘yicha yordam ko‘rsatiladi.

📲 Vaucher tizimi joriy etildi

Ijtimoiy yordamlar maqsadli elektron vaucherlar orqali ajratilib, mablag‘larning manzilli va shaffof sarflanishi ta’minlanadi.

📋 “Temir daftar”ga kiritish tartibi

Quyidagi holatlarda oila “Temir daftar”ga kiritilishi mumkin:

oilada mehnatga layoqatli shaxs mavjud bo‘lmaganda;

boquvchisini yo‘qotgan oilalarda;

uy-joy va turmush sharoiti og‘ir bo‘lganda.

Ariza va murojaatlar hududiy “Inson” ijtimoiy xizmatlar markazlari tomonidan o‘rganiladi.

📈 “Temir daftar”dan chiqarish

Oilaning moddiy ahvoli yaxshilanib, doimiy daromad manbai yaratilganidan so‘ng, belgilangan tartibda “Temir daftar”dan chiqariladi.

📌 Mazkur tartibning asosiy maqsadi — ijtimoiy yordamlarni manzilli, shaffof va adolatli taqsimlash hamda ehtiyojmand fuqarolarni qo‘llab-quvvatlash samaradorligini oshirishdan iborat.

Slide 1 of 1