Xalq deputatlari Qo‘qon shahar Kengashi deputati R.Talipdjanov tomonidan “Navro‘z” mahalla fuqarolar yig‘inida yashovchi fuqarolar murojaatlari asosida yuborilgan deputatlik so‘roviga mas’ul tashkilot tomonidan rasmiy javob taqdim etildi.

Rasmiy javobda ma’lum qilinishicha, A.Navoiy ko‘chasidagi 105-, 106- va 107-ko‘p qavatli uylar oldida qurilgan yangi ko‘p qavatli turar joy binosining qurilish me’yorlariga muvofiqligi masalasini o‘rganish uchun tegishli hujjatlar Qurilish va uy-joy kommunal xo‘jaligi sohasida nazorat qilish inspeksiyasining hududiy nazorat inspeksiyasiga yuborilgan.

Shuningdek, mahalla aholisi tomonidan ko‘tarilgan boshqa dolzarb masalalar ham e’tibordan chetda qolmadi. Xususan:
Hududdagi ekologik vaziyatni barqarorlashtirish;
Yaroqsiz holga kelgan oqova suv tizimi quvurlarini ta’mirlash;
Sanitariya-gigiyena holatini yaxshilash va doimiy nazoratni kuchaytirish masalalari bo‘yicha mas’ul tashkilotlarga tegishli topshiriq va ko‘rsatmalar berilgan hamda ijrosi nazoratga olingan.

Fuqarolar murojaatlari asosida ko‘tarilgan har bir masalaning ijobiy yechim topishi va belgilangan vazifalarning o‘z vaqtida bajarilishi deputat R.Talipdjanov tomonidan doimiy nazoratga olinadi.

Aholi manfaatlari yo‘lida deputatlik nazorati davom etadi.

Xalq deputatlari Qo‘qon shahar Kengashi