Xalıq deputatları Bozataw rayonlıq Keńesine 3-“Mádeniyat” saylaw okruginen (XDP) saylanǵan deputat G.Yusupova tárepinen rayonlıq kóp tarmaqlı shańaraq poliklinikasında bolıp xalıqqa óz waqtında sıpatlı medicinalıq járdem kórsetiliw jaǵdayın úyrendi.
Elimizde xalıqtıń den-sawlıǵın saqlaw, salamat turmıs tárizin qáliplestiriw hám jámiyette densawlıq mádeniyatın kúshiytiw máselelerine ayrıqsha itibar qaratılmaqta. Sonlıqtan da «Salamat jámiyet – kúshli mámleket» degen uran búgingi kúnde úlken áhmiyetke iye.
Salamat jámiyet degenimiz – densawlıǵı mıqtı, ruwxıy hám fizikalıq jaqtan saw adamlardan ibarat jámiyet. Adamlardıń densawlıǵı jaqsı bolsa, olardıń oqıwı, miynet etiwi hám jámiyet ómirinde belsendiligi de sonshalıq joǵarı boladı. Bul bolsa mámlekettiń social-ekonomikalıq rawajlanıwına tásirin etedi.
Sońǵı jıllarda xalıq arasında salamat turmıs tárizin keń tarqatıw, sporttı rawajlandırıw, profilaktikalıq medicinalıq kóriklerdi jolǵa qoyıw, sonday-aq ana hám bala densawlıǵın qorǵaw boyınsha keń kólemli isler ámelge asırılmaqta. Ásirese jaslar arasında dene tárbiyasın hám sport penen shuǵıllanıwǵa bolǵan qızıǵıwshılıq artıp barılmaqta.
Qısqa aytqanda, salamat jámiyetti qáliplestiriw – barshamızdıń ortalıqlı wazıypamız. Densawlıǵı bekkem xalıq ǵana kúshli mámlekettiń tiykarın jarata aladı. Sol sebepli «Salamat jámiyet – kúshli mámleket» qaǵıydası hár birimiz ushın ómirlik baǵdar bolıp xızmet etiwi tiyis.