Máhálledegi hayal-qızlar belsendileri tárepinen ámelge asırılıp atırǵan ilajlardıń nátiyjeliligin úyrenildi.

Xalıq deputatları Moynaq rayonlıq Keńesi sekretariat baslıǵı, OzXDP deputatliq topari agzas K.Nasirova «Moynaq» mákan puqaralar jıyını hayal-qızlar belsendisi tárepinen alıp barılıp atırǵan jumıslar barısın úyrendi.

Úyreniw barısında «Moynaq» mákan puqaralar jıyını hayal-qızlar belsendisi tárepinen óz aymaǵındaǵı kámbaǵal shańaraqlar menen islesiw, hayal-qızlardıń bántligi, olardıń ózin-ózi bánt etiwi, ónermentlik penen shuǵıllanıw, kishi isbilermenlikke qamtıw, óz jumısın baslaw ushın beriletuǵın jeńilletilgen kreditler ajıratılıwı, hayal-qızlardıń arasında huqıqbuzarlıqtıń aldın alıw hám de qorǵanıw orderlerdiń beriliwi boyınsha máseleler kórip shıǵıldı.