Deputat tomonidan bolajonlar uchun yaratilgan sharoitlar, ta’lim-tarbiya jarayonlari hamda muassasa faoliyati bilan yaqindan tanishildi. Bayram tadbirida ishtirok etgan A.Mahkamov bolalarga ezgu tilaklarini bildirib, ularning sog‘lom, bilimli va barkamol avlod bo‘lib voyaga yetishi yurtimiz taraqqiyotining muhim omili ekanini ta’kidladi.

Bayramona muhitda o‘tgan uchrashuv bolajonlar uchun unutilmas taassurotlar qoldirdi.

Xalqaro bolalarni himoya qilish kuni munosabati bilan tashkil etilgan bunday tadbirlar yosh avlodga e’tibor va g‘amxo‘rlik ko‘rsatish, ularning huquq va manfaatlarini himoya qilish hamda baxtli bolalikni ta’minlash yo‘lidagi ishlarning amaliy ifodasidir.