#yoshlar_maslahat_guruhi #poytaxtdeputatlari #deputatlik_faoliyati

❗️Yoshlar bilan ochiq muloqot va hamkorlik istiqbollari muhokama qilindi

📇 Xalq deputatlari Toshkent shahar Kengashi huzuridagi "Yoshlar maslahat guruhi" tomonidan Xalq deputatlari tuman Kengashlari huzuridagi Yoshlar maslahat guruhlari faoliyatini yanada takomillashtirish hamda samaradorligini oshirish yuzasidan tasdiqlangan reja-grafik ijrosini ta’minlash maqsadida Uchtepa tumanida ochiq muloqot tashkil etildi.

📁 Tadbirda Xalq deputatlari Toshkent shahar Kengashi huzuridagi Yoshlar maslahat guruhi rahbari Sarvar Irgashev hamda xalq deputatlari Uchtepa tumani Kengashi kotibiyati mudiri Anvar Usmanov ishtirok etib, Uchtepa tumani Kengashi huzuridagi Yoshlar maslahat guruhi a’zolari va faol yoshlar bilan uchrashdi.

💬 Muloqot davomida Yoshlar maslahat guruhlari faoliyatining ustuvor yo‘nalishlari, yoshlarning ijtimoiy-siyosiy faolligini oshirish, ularni hududlardagi muammolarni o‘rganish va hal etish jarayonlariga keng jalb qilish, yoshlar tashabbuslarini qo‘llab-quvvatlash hamda “Yoshlar va deputat” shaklidagi uchrashuvlarni tizimli tashkil etish masalalari muhokama qilindi.

✨ Shuningdek, tasdiqlangan reja-grafikda belgilangan vazifalar ijrosi, jumladan, yoshlar bandligini ta’minlash, iqtidorli va tashabbuskor yoshlarni qo‘llab-quvvatlash, mahallalarda yoshlar bilan ishlash samaradorligini oshirish, ta’lim, sport, madaniyat va tadbirkorlik yo‘nalishlaridagi loyihalarni kengaytirish yuzasidan fikr almashildi.

🗣 Tadbir davomida yoshlar tomonidan ilgari surilgan taklif va tashabbuslar tinglanib, ularni amaliyotga joriy etish, mavjud muammolarni hal etishda deputatlar, davlat va jamoat tashkilotlari bilan hamkorlikni yanada kuchaytirish muhimligi ta’kidlandi.

📉 Ochiq muloqot yakunida Yoshlar maslahat guruhlari faoliyatini yangi bosqichga olib chiqish, yoshlarning Kengashlar faoliyatidagi ishtirokini kengaytirish, ularning huquq va manfaatlarini himoya qilish hamda reja-grafikda belgilangan vazifalarni izchil amalga oshirish bo‘yicha kelgusidagi ustuvor vazifalar belgilab olindi.

📱 Telegram 📱 Instagram 📱 Facebook 📱 YouTube 🔎 E-kengash