Xalq deputatlari tuman Kengashining agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasining navbatdagi majlisi o‘tkazildi.

Yig'ilishda doimiy komissiya a'zolari, tegishli mas'ullar, OAV vakillari ishtirok etdi. Yig'ilishga doimiy komissiya raisi Korakkulov Ravshan raislik qildi va kun tartibidagi masalalar bilan ishtirokchilarni tanishtirdi.

Kun tartibiga quyidagi masalalar kiritildi.

1. Muzrabot tumani bo‘yicha 2026-yil 1-apreldan 2026-yil 1-oktabrga qadar sug‘orish ishlari uchun ajratilgan suv limitini tasdiqlash to‘g‘risida.

2. Tuman suv yetkazib berish hizmati rahbari A.Amonturdiyevning suv resurslarini boshqarish, suv xo‘jaligi obyektlarining texnik holatini yaxshilash, shuningdek tumanda suv tejovchi sug‘orish texnologiyalarini joriy etish holati to‘g‘risidagi hisoboti.

3. O‘zbekiston Respublikasi Vazirlar Mahkamasining 2024-yil 11-oktabrdagi 665-sonli qaroriga muvofiq, tuman obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari bo‘yicha 2026-yil uchun dastlabki “Manzilli ro‘yxati”ni tasdiqlash to‘g‘risida.

Kun tartibidagi har bir masalalar bo‘yicha ma’sul rahbarlarning axborot va hisobotlari dastlabki tarzda komissiya a’zolari tomonidan diqqat bilan tinglanib, muhokamasi o‘tkazildi.

Mazkur masalalar bo‘yicha bildirilgan fikr-mulohazalar tinglanib, doimiy komissiya a’zolarining takliflarini inobatga olib, xalq deputatlari Muzrabot tuman Kengashining agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasining tegishli qarori loyihasi tasdiqlandi va navbatdagi sessiya kun tartibiga kiritish belgilandi.