Халқ депутатлари Миробод туман Кенгашининг “Ҳафталик иш режаси” ижроси бўйича депутат Б.Рахимов “Тонг юлдузи” МФЙда маҳалла раиси, еттилик аъзолари билан учрашиб, ижтимоий соҳа йўналишларига оид муаммоларни 24 та тавсиявий сўровнома асосида суҳбат олиб борди. 

Депутат маҳалла раиси Муродов Камолиддин билан бўлиб ўтган мулоқотда Ўзбекистон Республикаси Вазирлар Маҳкамасининг 2022-йил 16-августдаги “Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимларининг ёрдамчилари фаолияти самарадорлигини янада ошириш бўйича намунавий концепцияни тасдиқлаш тўғрисида”ги 450-сонли ва 2026-йил 29-январдаги “Ижтимоий реестрга киритилган оилаларни қўллаб-қувватлаш тизимини такомиллаштиришнинг қўшимча чора-тадбирлари тўғрисида”ги 35-сонли қарорлари ижроси тўғрисида тушунча берди.

Суҳбат жараёнида Халқ депутатлари Миробод тумани Кенгашининг сессиясида Миробод туманидаги ички хўжалик йўлларни сақлаш ва жорий таъмирлаш ишлари бўйича 2026-йил учун манзилли рўйхатини тасдиқлаган қарори ҳақида маълумот берди.

Суҳбат якунида маҳалла раиси томонидан ҳудуддаги болалар майдончалари ҳолати ва замонавий қурилаёган замонавий кўп қаватли уйларнинг қурилиш жараёнларидаги айрим масаласида депутатдан ёрдам сўраб мурожаат қилди.