KO‘P QAVATLI UYLARNING KUZ-QISH MAVSUMIGA TAYYORGARLIGI O‘RGANILDI

Xalq deputatlari Oqoltin tumani Kengashi deputati G. Islamova hamda tuman Kengashi kotibiyati mudiri N. Turdiyev tomonidan Ahillik mahallasi Turkiston ko‘chasidagi ko‘p qavatli uylarning kuz-qish mavsumiga tayyorgarlik holati o‘rganildi.

O‘rganish davomida uylarning tom qismi, mavjud infratuzilmasi hamda sovuq mavsumni betalafot o‘tkazish uchun amalga oshirilayotgan tayyorgarlik ishlari holatiga e’tibor qaratildi. Shuningdek, aniqlangan kamchiliklarni bartaraf etish va aholiga qulay sharoit yaratish masalalari muhokama qilindi.

Mavsumga tayyorgarlik ishlarini sifatli tashkil etish, mavjud muammolarni o‘z vaqtida aniqlash hamda ularni bartaraf etish yuzasidan tegishli choralar ko‘rish muhim ahamiyat kasb etadi.