Kitob — inson tafakkurini boyitadigan, dunyoqarashini kengaytiradigan va qalbida ezgulik tuyg‘ularini uyg‘otadigan bebaho xazina. Kitobxonlik madaniyatini yuksaltirish, ayniqsa, yoshlarni mutolaaga keng jalb etish ma’naviy taraqqiyotning muhim omilidir.
Xalq deputatlari Chilonzor tumani Kengashi deputati Alisher Abduvahobovich Xusainov tomonidan “Al-Xorazmiy” mahallasida joylashgan kutubxona faoliyati bilan tanishilib, kitob fondi va kitobxonlar uchun yaratilgan sharoitlar o‘rganildi.
O‘rganish davomida kutubxonaning aholi, ayniqsa, yoshlarning bilim va ma’naviy salohiyatini oshirishdagi o‘rniga e’tibor qaratildi. Deputat tomonidan kitob fondini boyitish, yoshlarni kitob mutolaasiga keng jalb etish hamda adabiy uchrashuvlar va kitobxonlik tadbirlarini tashkil etish yuzasidan tavsiyalar berildi.
Zero, kitobxonlik inson kamoloti va mustaqil fikrlashning muhim asosidir. Kutubxona faoliyatini rivojlantirishga qaratilgan bunday e’tibor mahallada ma’rifat muhitini mustahkamlash, yoshlarning dunyoqarashini kengaytirish va kitobga bo‘lgan mehrini oshirishga xizmat qiladi.
KITOB BOR JOYDA MA’RIFAT, MA’RIFAT BOR JOYDA TARAQQIYOT BOR!