24-sonli maktabgacha ta’lim tashkilotida ta’mirlash ishlari sifati va budjet mablag‘larining maqsadli sarflanishi o‘rganilmoqda 

Xalq deputatlari Oltiariq tumani Kengashining 22-Katput saylov okrugi deputati O‘. Otaboyev tomonidan Oltiariq tumanidagi 24-sonli maktabgacha ta’lim tashkilotida Open budjet mablag‘lari hisobidan amalga oshirilayotgan ta’mirlash ishlarining
sifati va mablag‘larning maqsadli sarflanishini o‘rganish yuzasidan deputat so‘rovi yuborildi. Mazkur loyiha doirasida 2026-yilning 1-mavsumida 24-sonli maktabgacha ta’lim tashkilotini ta’mirlash uchun 1 milliard 648 million so‘m mablag‘ ajratilishi belgilangan. Deputat so‘rovida ta’mirlash ishlarining amaldagi qurilish me’yorlari va loyiha-smeta hujjatlariga muvofiqligini, bajarilgan ishlarning sifati hamda ajratilgan mablag‘larning qonuniy va maqsadli sarflanishini tekshirish masalalari ko‘tarilgan. Shuningdek,
aniqlanishi mumkin bo‘lgan kamchiliklarni bartaraf etish, budjet mablag‘laridan samarali foydalanish va bolalar uchun xavfsiz hamda munosib sharoit yaratish yuzasidan tegishli choralar ko‘rish so‘ralgan.