AGROLOGISTIKA MARKAZI: QURILISH SIFATI VA MEHNAT XAVFSIZLIGI NAZORATDA 

O‘zbekiston Respublikasi Prezidentining 2025-yil 1-apreldagi PQ–132-son
qarori ijrosini ta’minlash doirasida Quva tumani Mustaqillik mahallasi hududida
barpo etilayotgan qishloq xo‘jaligi mahsulotlarini yig‘ish va taqsimlash
agrologistika markazida amalga oshirilayotgan ishlar deputatlik nazorati
tartibida o‘rganilmoqda. 

Xalq deputatlari Quva tuman Kengashi kotibiyati mudiri R.Nodirov, Kengash
deputatlari Sh.Jo‘rayev, M.Sayfidinov va A.Mo‘minov, Kengash huzuridagi Ekspert
maslahat guruhi raisi o‘rinbosari B.Abdurahimov, Yoshlar maslahat guruhi a’zosi
M.To‘xtasinov hamda kotibiyat bosh mutaxassisi A.Fozilovdan iborat ishchi
guruhi tomonidan loyiha doirasida “ENERGY-LAND” qo‘shma korxona shaklidagi
MChJda tashkil etilgan qurilish materiallarini tayyorlash va ularga ishlov
berish sexi faoliyati o‘rganildi. 

Mazkur sexda metall armaturalarga ishlov berish, shuningdek, beton lotok
ariqlar uchun armaturali karkaslar tayyorlash ishlari amalga oshirilmoqda.
Ushbu konstruksiyalar qurilish jarayonida muhim ahamiyatga ega bo‘lib, ularni
belgilangan texnik talablar asosida tayyorlash sifatli va mustahkam qurilish
ishlarini ta’minlashga xizmat qiladi. 

O‘rganish jarayonida sexda mehnat va texnika xavfsizligi qoidalariga rioya
etish, ish jarayonida xavfsiz sharoitlarni ta’minlash hamda sifatli qurilish
materiallari va konstruksiyalarini tayyorlash yuzasidan tegishli tavsiyalar
berildi.