#haftalik_ish_reja_ijrosi
#sessiya_kun_tartibiga_kiritiladigan_masalalar
#24_ta_tavsiyalar_ijrosi
#162_qonun
#deputat_faoliyati

Bandixon tumanida deputatlik nazorati: Ko‘p qavatli uylarda Boshqaruv servis kompaniyalari faoliyati va PQ-48-son qaror ijrosi tahlil qilindi

✅Bandixon tumanida ko‘p xonadonli uy-joy fondini saqlash, muhandislik-kommunikatsiya infratuzilmasini yaxshilash hamda aholiga ko‘rsatilayotgan boshqaruv xizmatlarining sifatini oshirish borasida tizimli deputatlik nazorati amalga oshirilmoqda.

✅Xalq deputatlari Bandixon tumani Kengashi deputati X.A.Abdimo‘minov hamda Kengash bosh mutaxassisi E.Eshonqulov tumandagi ko‘p qavatli uylarga xizmat ko‘rsatuvchi boshqaruv servis kompaniyalari (BSK) faoliyatini joyiga chiqqan holda o‘rgandilar.

🫥Mazkur monitoring O‘zbekiston Respublikasi Prezidentining 2026-yil 5-fevraldagi PQ–48-sonli qarori talablari asosida tashkil etildi. Tadbir davomida uylarning umumiy foydalanish qismlari, tom va yerto‘la tarmoqlari sozligi, ko‘chalar obodonchiligi hamda BSKlar tomonidan tariflar asosida amalga oshirilayotgan xizmatlarning amaldagi sifati tahlil qilindi. Aholi vakillari bilan o‘tkazilgan muloqotlarda ko‘tarilgan e’tiroz va takliflar inobatga olindi.

🫥O‘rganish natijasida aniqlangan kamchiliklarni bartaraf etish hamda boshqaruv servis kompaniyalari mas’uliyatini kuchaytirish yuzasidan soha mutasaddilariga deputatlik so‘rovlari yuborilishi va ijro jarayoni Kengash nazoratida bo‘lishi belgilab olindi.