DEPUTAT TELEKÓRSETIWDE MIYMANDA BOLDÍ.

Xalıq deputatları Bozataw rayonlıq Keńesiniń 6-sanlı «Ándijan» saylaw okruginen deputat, rayonlıq Nuraniylar qorınıń baslıǵı Sh. Berdaxov Qaraqalpaqstan telekanalınıń «Assalawma áleykum, Qaraqalpaqstan!» kórsetiwinde miyman boldı.
Kórsetiw dawamında rayonımızda nuraniylar menen alıp barılıp atırǵan jumıslar, olardıń jámiyettegi ornı, jas áwlad tárbiyasına qosıp atırǵan úlesi hám milliy qádiriyatlarımızdı saqlawdaǵı áhmiyeti haqqında sóz boldı.
Sonday-aq, deputatlıq iskerligi sheńberinde xalıq penen turaqlı baylanısta bolıw, olardıń usınıs-pikirlerin tıńlaw hám aymaqtaǵı áhmiyetli máselelerdiń sheshimine járdem beriwge qaratılǵan jumıslarǵa da toqtap ótti.
Bunday telekórsetiwler rayonımızdaǵı jámiyetlik jumıslar hám deputatlıq iskerlik haqqında keń jámiyetshilikti xabardar etiw, xalıq penen ashıq baylanıstı bekkemlewge xızmet etedi.