Bu savol ko‘pchilik uchun qiziq. Qisqacha aytganda, deputatga hududdagi ijtimoiy, iqtisodiy, kommunal, ekologik, ta’lim, yoshlar, bandlik va boshqa jamoatchilik ahamiyatiga ega masalalar yuzasidan murojaat qilish mumkin.

🏫 Masalan:
— maktabda sport jihozlari yetishmasligi;
💧 ichimlik suvi yoki kommunal xizmatlar bilan bog‘liq muammolar;
🛣 yo‘l, ko‘cha yoritilishi va obodonlashtirish masalalari;
🌱 ekologik muammolar;
👨‍👩‍👧 aholining ijtimoiy himoyasi va bandligiga oid masalalar;
🏢 mahalla va ijtimoiy ob’ektlardagi mavjud muammolar.

🔎 Murojaatdan keyin nima bo‘ladi?
Deputat masalani o‘rganishi, zarur hollarda joyiga chiqishi, mas’ullar bilan muloqot qilishi va o‘z vakolati doirasida tegishli choralarni ko‘rishi mumkin.

📩 Agar masala davlat organi yoki tashkiloti mansabdor shaxsining vakolatiga kirsa, deputat tomonidan deputatlik so‘rovi yuborilishi mumkin.
Bunday so‘rov, qoida tariqasida, saylovchilarning huquq va qonuniy manfaatlarini ta’minlash bilan bog‘liq masalalar yuzasidan yuboriladi.

📌 Muhimi: deputat har qanday masalani shaxsan hal qilib beruvchi organ emas. Uning vazifalaridan biri — saylovchilar muammolarini o‘rganish, tegishli mas’ullar e’tiboriga yetkazish va qonun doirasida deputatlik vakolatlaridan foydalanish.

🤝 Sizni qiynayotgan masala bormi? Muammoning yechimiga olib boruvchi birinchi qadam — uni tegishli tartibda ko‘tarish.