Мавсумий қишлоқ хўжалиги ишлари ўрганилди
Халқ депутатлари Янгиқўрғон тумани Кенгаши депутати томонидан «Жўра Охунов Шарқ Юлдузи» агрофирмаси ҳудудидаги фермер хўжаликларида олиб борилаётган мавсумий қишлоқ хўжалиги ишлари депутатлик назорати тартибида ўрганилди.
Хусусан, «Ҳамза Радивон миришкорлари» фермер хўжалигининг 7 гектар майдонида такрорий экин сифатида экилган картошканинг ҳолати кўздан кечирилди. Экинларни парваришлаш, агротехник тадбирларни ўз вақтида бажариш ҳамда ҳосилдорликни таъминлаш борасидаги ишларга эътибор қаратилди.
Шунингдек, бошоқли дон экинларини экишга тайёргарлик жараёнлари ҳамда униб чиққан ғалла майдонларида суғориш ишларининг бориши ўрганилди.
Ўрганиш давомида фермерлар ва масъуллар билан мавсумий ишларни сифатли ташкил этиш, ер ва сув ресурсларидан оқилона фойдаланиш ҳамда юқори ҳосил етиштириш масалалари муҳокама қилинди. Бу борада агротехник тадбирларни белгиланган муддатларда амалга ошириш юзасидан тавсиялар билдирилди.