Xalq deputatlari Arnasoy tumani Kengashi kotibiyati mudiri O. Usmonov hamda tuman Kengashi deputati X. Berdiyev tomonidan O‘zbekiston Respublikasining 2002-yil 5-apreldagi “Chiqindilar to‘g‘risida”gi Qonuni ijrosi yuzasidan tuman Obodonlashtirish boshqarmasining mas’ul xodimlari bilan uchrashuv o‘tkazildi.

Uchrashuv davomida aholi xonadonlaridan maishiy chiqindilarni olib chiqish xizmatining amaldagi holati, mavjud maxsus texnikalarning yetarliligi, chiqindi tashlash qutilari bilan ta’minlanganlik darajasi hamda chiqindilarni belgilangan muddatlarda olib chiqib ketish masalalari atroflicha muhokama qilindi.

Shuningdek, chiqindilarni olib chiqish uchun mavjud maxsus texnikalardan samarali foydalanish, ularning xizmat ko‘rsatish imkoniyatlarini kengaytirish, chiqindi tashlash qutilarini yetarli miqdorda joylashtirish hamda aholi xonadonlaridan chiqindilarni o‘z vaqtida olib chiqib ketishni ta’minlash masalalariga alohida e’tibor qaratildi.

O‘rganish va muhokamalar davomida mavjud holatdan kelib chiqib, chiqindilarni olib chiqish xizmatini takomillashtirish, aniqlangan muammolarni bartaraf etish hamda aholiga ko‘rsatilayotgan xizmatlar sifatini yaxshilash bo‘yicha tegishli vazifalar belgilandi.