Xalq deputatlari Chilonzor tuman Kengashining 18-Guliston saylov okrugi deputati Kim Marina Melisovna tomonidan Guliston mahallasida hududning ichki ko‘cha yo‘llari va sanitariya-obodonlashtirish holati joyiga chiqib o‘rganildi.

O‘rganish davomida maishiy chiqindilarning o‘z vaqtida olib chiqilishi, hudud va uning atrofidagi maydonlarning tozaligi, obodonlashtirilganlik holati ko‘zdan kechirildi.

O‘rganish jarayonidai ayrim hududlarda maishiy chiqindilar to‘planib qolganligi aniqlandi. Mazkur holat yuzasidan chiqindilarni o‘z vaqtida olib chiqish, hududning sanitariya holatini yaxshilash va tozalikni ta’minlash bo‘yicha tegishli mas’ullarga zarur tavsiya va topshiriqlar berildi.

Shuningdek, hududdagi mavjud kamchiliklarni bartaraf etish, obodonlashtirish ishlarini tizimli tashkil etish hamda aholi uchun toza, obod va xavfsiz muhitni ta’minlash masalalariga alohida e’tibor qaratildi.