Tabiatni muhofaza qilish to‘g‘risidagi qonun ijrosi o‘rganildi

Xalq deputatlari O‘rta Chirchiq tuman Kengashi deputatlari Sh.Radjapov, Y.Musayev hamda O‘zbekiston Ekologik partiyasi tuman Kengashi raisi M.Umarovalar tomonidan O'zbekiston Respublikasi Prezidentining 1992-yil 9-dekabrdagi “Tabiatni muhofaza qilish to‘g‘risida”gi №754-sonli Qonunining tumandagi ijrosi o‘rganildi.

O‘rganish davomida hududda atrof-muhitni muhofaza qilish, tabiiy resurslardan oqilona foydalanish, ekologik barqarorlikni ta’minlash hamda aholining ekologik madaniyatini yuksaltirish borasida amalga oshirilayotgan ishlar tahlil qilindi.

Tuman hududida obodonlashtirish va ko‘kalamzorlashtirish ishlari, daraxt va butalarni asrab-avaylash, chiqindilarni belgilangan tartibda yig‘ish va olib chiqish, hududlarning sanitariya holatini yaxshilash hamda ekologik talablarning bajarilishi masalalariga alohida e’tibor qaratildi.

✅Xalq deputatlari O‘rta Chirchiq tuman Kengashi kotibiyati axborot xizmati!