#deputatlik_faoliyati_Uchtepa #19_1_Modda_ijrosi

JAMOAT SALOMATLIGI - HISOBOT ESHITILDI, VAZIFALAR BELGILANDI

🇺🇿 Xalq deputatlari Uchtepa tumani Kengashining Ijtimoiy sohalar, yoshlar siyosati, madaniyat va sport masalalari bo‘yicha doimiy komissiyasida Uchtepa tumani Sanitariya-epidemiologik osoyishtalik va jamoat salomatligi xizmati rahbari A.Xasanov tomonidan xizmatning 2026-yil birinchi yarim yilligida amalga oshirilgan ishlari to‘g‘risidagi hisoboti dastlabki tarzda eshitildi.

📊 Hisobot doirasida tumanda sanitariya-epidemiologik osoyishtalikni ta’minlash, jamoat salomatligini muhofaza qilish, yuqumli kasalliklarning oldini olish, sanitariya nazoratini amalga oshirish hamda aholi o‘rtasida profilaktik tadbirlarni tashkil etish borasida amalga oshirilgan ishlar muhokama qilindi.

🧠 Shuningdek, mavjud holat, amalga oshirilgan ishlarning samaradorligi, aniqlangan masalalar hamda kelgusida sanitariya-epidemiologik barqarorlikni yanada mustahkamlash bo‘yicha ustuvor vazifalarga e’tibor qaratildi.

📁 Hisobot yuzasidan doimiy komissiya a’zolari tomonidan tegishli savol va takliflar bildirilib, muhokama yakunlari asosida tegishli qaror qabul qilindi.

🔹 Aholi salomatligini asrash, sanitariya-epidemiologik osoyishtalikni ta’minlash va profilaktik ishlarni kuchaytirish — doimiy e’tibor va tizimli nazoratni talab etadigan muhim yo‘nalishdir.