Adolat SDPdan saylangan xalq deputatlari tuman Kengashi deputati-Kotibiyat mudiri M.Urazbayev tomonidan 3-sonli texnikumda kuz-qish mavsumiga tayyorgarlik ko‘rish holati o‘rganildi.

O‘rganish davomida ta’lim muassasasining isitish tizimi, mavjud issiqlik qurilmalari, yoqilg‘i zaxirasi hamda bino va inshootlarning kuz-qish mavsumini betalafot o‘tkazishga tayyorgarligi ko‘zdan kechirildi.

Shuningdek, texnikumda ta’lim oluvchi yoshlar va pedagog-xodimlar uchun zarur shart-sharoitlarni yaratish, xonalarni me’yoriy haroratda saqlash hamda mavsum davomida xavfsizlik choralariga rioya etish masalalariga alohida e’tibor qaratildi.

Aniqlangan masalalar yuzasidan mas’ullarga tegishli tavsiya va topshiriqlar berilib, kuz-qish mavsumini barqaror va muammosiz o‘tkazish bo‘yicha amalga oshirilayotgan ishlarni yanada kuchaytirish zarurligi ta’kidlandi.