Park va xiyobonlarning obodonlashtirish holati o‘rganildi

📍 Xalq deputatlari O‘rta Chirchiq tuman Kengashi deputati B.Baxovadinov tomonidan tuman hududidagi park, xiyobon va bog‘larning obodonlashtirish hamda saqlash holati o‘rganildi.

O‘rganish davomida hududlarning sanitariya va tozalik holati, mavjud yashil maydonlarning saqlanishi, daraxt va butalarni parvarishlash, shuningdek, ko‘kalamzorlashtirish ishlari ko‘zdan kechirildi.

Yashil hududlarni kengaytirish, manzarali daraxt va o‘simliklar ekish, mavjud sug‘orish tizimlarining holati hamda aholi uchun yaratilgan shart-sharoitlar yuzasidan tegishli mas’ullarga tavsiya va takliflar bildirildi.

O‘rganish yakunlari bo‘yicha aniqlangan kamchiliklarni bartaraf etish, hududlarni yanada obodonlashtirish va yashil maydonlarni asrab-avaylash yuzasidan tegishli choralarni ko‘rish belgilandi.

✅ Xalq deputatlari O‘rta Chirchiq tuman Kengashi kotibiyati axborot xizmati