Tuman Kengashi raisi X.Sultonov tomonidan Yakkachikir mahallasi hokim yordamchisi Azizbek Ozodovning mahallada aholi bilan olib borayotgan ishlari samaradorligi o‘rganildi.
O‘rganish davomida aholini kambag‘allikdan chiqarish, fuqarolar bandligini taʼminlash, ular uchun doimiy daromad manbalarini yaratish borasida amalga oshirilayotgan ishlar tahlil qilindi.
Shuningdek, Ijtimoiy reyestrda ro‘yxatda turgan oilalarga ko‘rsatilayotgan ijtimoiy xizmatlar holati, ularning mavjud muammolarini aniqlash va hal etish bo‘yicha olib borilayotgan ishlar ko‘rib chiqildi.
O‘rganish yakunida aniqlangan masalalar yuzasidan masʼullarga tegishli vazifalar belgilab berildi hamda mahallada aholi bandligini taʼminlash, oilalarning daromadini oshirish va ijtimoiy xizmatlar sifatini yaxshilashga qaratilgan ishlarni yana-da kuchaytirish bo‘yicha tavsiyalar berildi.