💻 Kuz-qish mavsumiga tayyorgarlik: Deputatlar va "Mahalla yettiligi" nazorati
Jizzax viloyati hokimi rahbarligida Zoom platformasi orqali kengaytirilgan videoselektor yig‘ilishi o‘tkazildi. Unda yaqinlashib kelayotgan kuz-qish mavsumida aholini energetika resurslari bilan barqaror ta’minlash hamda barcha ijtimoiy soha ob’yektlarini mavsumga tayyorlash ishlarini jadallashtirish choralari belgilandi.
Ushbu muhim muhokamalarda xalq deputatlari Baxmal tuman Kengashi deputati M.Baratova hamda “Mahalla yettiligi” a’zolari ishtirok etishdi.
Yig‘ilish davomida mahallalarda mavsumga shaylik holati bo‘yicha amalga oshirilayotgan chora-tadbirlar, joylardagi mavjud muammolar va ularni tezkor bartaraf etish bo‘yicha rejalar tahlil qilindi. Aholining qish mavsumini issiq va xavfsiz o‘tkazishini ta’minlash deputatlik nazoratiga olindi.