📌Doimiy komissiyaning navbatdagi majlisi bo‘lib o‘tdi

✔️ Xalq deputatlari Samarqand viloyati Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasining navbatdagi majlisi o‘tkazildi.

🌀 Majlis davomida hududlarni ijtimoiy-iqtisodiy rivojlantirish, qonun ustuvorligini ta’minlash hamda fuqarolarning huquq va manfaatlarini himoya qilish bilan bog‘liq masalalar muhokama qilindi.

➡️ Xususan, kun tartibiga kiritilgan Ishtixon tumanidagi aholi punkti nomini o‘zgartirish to‘g‘risidagi hamda o‘zboshimchalik bilan egallab olingan yer uchastkalari va ularda qurilgan bino-inshootlarga bo‘lgan huquqlarni e’tirof etish to‘g‘risidagi masalalar atroflicha ko‘rib chiqildi.

♾ Muhokamalar davomida masalalar yuzasidan mutasaddilarning axborotlari tinglanib, amaldagi qonunchilik talablari hamda mavjud holatlar tahlil qilindi.

⚡️ Kun tartibidagi masalalar bo‘yicha doimiy komissiyaning tegishli xulosa va tavsiyalari shakllantirilib, navbatdagi sessiya muhokamasiga kiritish yuzasidan qarorlar qabul qilindi.