Olmaliq shahar Mahmudxo‘ja Behbudiy mahallasida ijtimoiy sohadagi ishlar va xotin-qizlar, oilalarni qo‘llab-quvvatlash tizimining samaradorligi atroflicha o‘rganildi.
O‘rganish tadbirlari Xalq deputatlari Olmaliq shahar Kengashi kotibiyati mudiri Sevar Qodirova hamda Oliy Majlis Qonunchilik palatasi deputati Qizilgul Qosimova tomonidan olib borildi.

O‘rganishlar davomida asosiy e’tibor quyidagi muhim yo‘nalishlarga qaratildi:
Ijtimoiy xodim faoliyati: Mahallada ehtiyojmand oilalar, nogironligi bo‘lgan shaxslar va yordamga muhtoj fuqarolar bilan ishlash darajasi ko‘zdan kechirildi.
Aholi murojaatlari: Joyida fuqarolar bilan muloqot o‘tkazilib, ularni qiynayotgan masalalar va muammolar bevosita tinglandi.
Mahalla yettiligi hamkorligi: Bildirilgan har bir murojaat mahalla yettiligi bilan birgalikda atroflicha muhokama qilinib, deputatning ko'chama-ko'cha aylanish jurnaliga qayd qilinib, ularning amaliy yechimi bo‘yicha aniq chora-tadbirlar hamda mas’ullarga tegishli vazifalar belgilandi.

Aholining ijtimoiy himoyasini kuchaytirish hamda hududda mavjud muammolarni hamkorlikda hal etishga qaratilgan bunday muloqotlar izchil davom ettiriladi.