📋 Xalq deputatlari Sherobod tumani Kengashining Mahalliy budjet, tadbirkorlikni rivojlantirish masalalari bo‘yicha doimiy komissiyasining navbatdagi majlisi bo‘lib o‘tdi.

📝 Majlis kun tartibiga kiritilgan masalalar yuzasidan tegishli tashkilotlar rahbarlarining hisobotlari eshitilib, amalga oshirilayotgan ishlar, mavjud muammolar va ularning yechimlari atroflicha muhokama qilindi.

🏫 Sherobod tumani mahalliy budjetining 2026-yil 1-chorak daromadlar rejasining ortiqcha bajarilgan qismi hisobidan mablag‘larni yo‘naltirish to‘g‘risidagi masala yuzasidan tuman Iqtisodiyot va moliya bo‘limi boshlig‘ining birinchi o‘rinbosari J.Shafievning hisoboti tinglandi.

💰 Hisobot davomida mahalliy budjet daromadlarining ijrosi, ortiqcha tushumlarning shakllanishi hamda ushbu mablag‘lardan samarali va maqsadli foydalanish masalalariga alohida e’tibor qaratildi.

💬 Deputatlar tomonidan hisobot yuzasidan savollar berilib, mablag‘larni aholi manfaatlari, hududlarni ijtimoiy-iqtisodiy rivojlantirish va muhim vazifalarni amalga oshirishga yo‘naltirish bo‘yicha taklif va mulohazalar bildirildi.

✅ Majlis yakunida kun tartibidagi masala yuzasidan tegishli qarorlar qabul qilinib, mas’ullarga zarur topshiriq va tavsiyalar berildi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube