Xalq deputatlari Bag‘dod tumani Kengashining bo‘shab qolgan "12-Bog‘ishamol" saylov okrugiga qarashli "Amirobod" mahalla fuqarolar yig‘inining "Obod" ko‘chasida Kengash kotibiyati bosh mutaxassisi A.Ismoilov hamda Xalq demokratik partiyasi tuman Kengashi raisi D.Xamraqulovlar tomonidan o‘rganish ishlari olib borildi.

O‘rganish davomida hududdagi infratuzilma holati ko‘zdan kechirildi. Jumladan, “Obod” ko‘chasidagi 9-sonli umumiy o‘rta ta’lim maktabi yonida joylashgan ichimlik suvi minorasi texnik jihatdan soz holatda bo‘lishiga qaramay, shu kunga qadar foydalanishga topshirilmaganligi shuningdek, mazkur suv minorasini ishga tushirish orqali “Kelajak avlod” va “Obod” ko‘chalarida istiqomat qiluvchi aholini ichimlik suvi bilan ta’minlash imkoniyati mavjudligi aniqlandi.

Mazkur masala ijrosi yuzasidan mas'ul tashkilotlarga yo‘naltirilishi hamda natijasi doimiy komissiya yig‘ilishida mas'ullar ishtirokida muhokama qilinishi belgilandi.