Xalq deputatlari Jalaquduq tuman Kengashi deputati hamda kotibiyat bosh mutaxassisi Yo.Tojiboyeva va M.Salibayevalar tuman “Nuroniylarni qo‘llab-quvvatlash” bo‘limida bo‘lib, faol nuroniylar bilan samimiy suhbat o‘tkazdilar. Suhbat davomida tuman “Nuroniylarni qo‘llab-quvvatlash” bo‘limi boshlig‘i va tuman Kengashi deputati
A.Qurbonov O‘zbekiston Respublikasi Prezidentining 2024-yil 25-noyabrdagi “Kambag‘allikdan farovonlik sari” dasturini amalga oshirishga faol nuroniylarni jalb etish chora-tadbirlari to‘g‘risida”gi PQ-405-sonli qarori ijrosi yuzasidan
tumanda amalga oshirilayotgan ishlar haqida to‘xtalib o‘tdi. Uchrashuv yakunida o‘tkazilgan suhbat va o‘rganishlardan kelib chiqib, muhim kelishuvga erishildi. Unga ko‘ra, Prezident qarorining tumandagi ijrosi, ehtiyojmand oilalarni kambag‘allikdan chiqarishda nuroniylarning ishtiroki hamda olib borilayotgan ishlar yuzasidan mas’ullarning hisobotini Xalq deputatlari tuman Kengashining navbatdagi sessiyasi muhokamasiga kiritish va deputatlar oldida eshitilishini tashkil etish belgilab olindi.