Xalq deputatlari Taxiatosh tumani Kengashining “Ijtimoiy soha, yoshlar siyosati, madaniyat va sport masalalari bo‘yicha” doimiy komissiyasining navbatdagi yig‘ilishi bo‘lib o‘tdi.
👥 Yig‘ilishga doimiy komissiya raisi Artikov Davron Omarbayevich raislik qildi. Unda komissiya a’zolari hamda mas’ul mutaxassislar ishtirok etdi.

🏫 Yig‘ilishda Taxiatosh tumani Maktabgacha va maktab ta’limi bo‘limi mudiri vazifasini vaqtincha bajaruvchi A.Jienbaevning “Oydin yo‘l” MFY hududida yangidan qurilgan 176 o‘rinli umumiy o‘rta ta’lim maktabiga yuridik maqom berish masalasi yuzasidan hisoboti tinglandi.

💬 Muhokamalar davomida mazkur ta’lim muassasasining faoliyatini yo‘lga qo‘yish bilan bog‘liq tashkiliy masalalar atroflicha ko‘rib chiqilib, deputatlar tomonidan tegishli taklif va tavsiyalar bildirildi.

✅ Muhokama yakunida masala yuzasidan doimiy komissiyaning tegishli qarori qabul qilinib, uni Xalq deputatlari Taxiatosh tumani Kengashining navbatdagi sessiyasi kun tartibiga kiritish tavsiya etildi.