Xalq deputatlari Parkent tumani Kengashining 2026-yil ish rejasiga muvofiq navbatdagi doimiy komissiya yig‘ilishi hamda sessiya kun tartibiga kiritilishi rejalashtirilgan tuman Ichki ishlar bo‘limi boshlig‘ining hisoboti oldidan hududlarda o‘rganish ishlari davom etmoqda.Navbatdagi o‘rganish Xalq deputatlari Parkent tumani Kengashi deputati, “Korrupsiyaga qarshi kurashish va xavfsizlik masalalari bo‘yicha doimiy komissiya” raisi Salimboyev Xasan Dilmurodovich tomonidan “Quyosh” mahallasida olib borildi.O‘rganish davomida hududdagi kriminogen vaziyat, jinoyatchilik va huquqbuzarliklarning barvaqt oldini olish, “Mahalla yettiligi” hamkorligida amalga oshirilayotgan profilaktik tadbirlar hamda profilaktika inspektori S.Odilovning xizmat faoliyati o‘rganildi.Muhokamalar jarayonida “Quyosh” mahallasida joriy yilning o‘tgan davrida birorta ham og`ir turdagi jinoyat sodir etilmagani,ushbu natija tizimli profilaktika ishlari, fuqarolar bilan manzilli ishlash va jamoatchilik hamkorligi samarasi ekani alohida ta’kidlandi.Shuningdek, hududda “Xavfsiz mahalla” tamoyili asosida jami 14 ta videokuzatuv kamerasi, jumladan 3 ta 360 daraja aylanuvchi kuzatuv kamerasi o‘rnatilgani ma’lum qilindi.Profilaktika inspektori S.Odilov tomonidan yoshlar bilan profilaktik uchrashuvlar, aholining huquqiy madaniyatini oshirish hamda alohida nazoratdagi fuqarolar bilan individual ishlash bo‘yicha amalga oshirilayotgan chora-tadbirlar haqida axborot berildi.Yakunida deputat tomonidan tungi vaqtda xavfsizlikni
yanada kuchaytirish maqsadida ayrim hududlarga qo‘shimcha yoritish moslamalarini o‘rnatish yuzasidan takliflar bildirildi.Mazkur o‘rganish natijalari navbatdagi doimiy komissiya yig‘ilishi va sessiyada tuman Ichki ishlar bo‘limi boshlig‘ining hisobotini xolis hamda atroflicha ko‘rib chiqishda, shuningdek hududlarda jinoyatchilikning oldini olishga qaratilgan ishlar samaradorligini oshirishda muhim ahamiyat kasb etadi.