Xalq deputatlari Qo‘qon shahar Kengashi deputati F.Kaxxarova tomonidan o‘zi saylangan "Shaldiramoq" mahalla fuqarolar yig‘ini hududida reja-grafik asosida navbatdagi saylovchilar bilan uchrashuv hamda o‘rganish ishlari o‘tkazildi.

Uchrashuv va o‘rganish jarayonida Xalq deputatlari Qo‘qon shahar Kengashi kotibiyatining bosh mutaxassislari X.Abdullayev hamda A.Adhamov tomonidan amaliy ko‘mak ko‘rsatildi.

O‘rganish davomida mahalla fuqarolar yig‘ini raisining faoliyati, aholi murojaatlari bilan ishlash tizimi, fuqarolarning muammolarini o‘z vaqtida hal etish yuzasidan amalga oshirilayotgan ishlar, hududni obodonlashtirish, infratuzilmani rivojlantirish hamda mahallaning ijtimoiy-iqtisodiy holatini yaxshilash bo‘yicha ko‘rilayotgan chora-tadbirlar atroflicha tahlil qilindi.

Shuningdek, "mahalla yettiligi" faoliyati, ehtiyojmand oilalarni ijtimoiy qo‘llab-quvvatlash, kambag‘allikni qisqartirish, aholi bandligini ta’minlash, yoshlar va xotin-qizlar bilan olib borilayotgan ishlar, shuningdek, hududda davlat dasturlari ijrosi yuzasidan mas’ullar bilan fikr almashildi.

O‘rganish yakunida fuqarolar tomonidan bildirilgan murojaat va takliflar muhokama qilinib, mavjud muammolarni bartaraf etish, aholi murojaatlariga tezkor va samarali yechim topish hamda mahalla faoliyati samaradorligini yanada oshirish yuzasidan tegishli tavsiya va takliflar bildirildi.

Xalq deputatlari Qo‘qon shahar Kengashi