Yig‘ilishda tuman Kengashi raisi tomonidan Yoshlar maslahat guruhining asosiy maqsad va vazifalari, uning jamiyat hayotidagi o‘rni, yoshlarning ijtimoiy-siyosiy faolligini oshirishdagi ahamiyati hamda hududlarda yoshlar bilan ishlash tizimini yanada takomillashtirish borasidagi ustuvor vazifalar yuzasidan batafsil tushuntirishlar berildi.
Shuningdek, yig‘ilish davomida Yoshlar maslahat guruhi nizomi yana bir bor atroflicha muhokama qilinib, uning mazmun-mohiyati, faoliyat yo‘nalishlari, guruh a’zolarining huquq va majburiyatlari, tashabbuslarni ilgari surish hamda jamoatchilik bilan samarali hamkorlikni yo‘lga qo‘yish masalalariga alohida e’tibor qaratildi.
Tadbir davomida yoshlarning taklif va tashabbuslarini qo‘llab-quvvatlash, ularni hududlarda amalga oshirilayotgan islohotlarga keng jalb etish, yoshlar muammolarini tizimli o‘rganish va amaliy yechimlar ishlab chiqish yuzasidan fikr-mulohazalar bildirildi.
Bundan tashqari, Yoshlar maslahat guruhi bilan tuman Kengashi o‘rtasida kelgusida amalga oshiriladigan hamkorlik yo‘nalishlari, dolzarb loyihalar, yoshlarning bandligini ta’minlash, bo‘sh vaqtini mazmunli tashkil etish hamda ularning ijtimoiy faolligini oshirishga qaratilgan chora-tadbirlar muhokama qilindi.
Yig‘ilish yakunida Yoshlar maslahat guruhi faoliyatini yanada samarali tashkil etish, hududlarda yoshlar bilan ishlash tizimini kuchaytirish hamda ilg‘or tashabbuslarni qo‘llab-quvvatlash bo‘yicha tegishli vazifalar belgilab olindi.