Toyloq tumani hokimining tashabbuslari bilan Xalq deputatlari Toyloq tumani Kengashi qarori asosida ajratilgan mablag‘lar asosida tuman markazida “Baxtiyor ona” timsoliga bag‘ishlangan Vatanparvar bog‘i barpo etildi. Mazkur maskan bugungi kunda nafaqat ko‘rkam sayilgoh, balki yosh avlod qalbida Vatanga muhabbat, milliy qadriyatlarga hurmat va ajdodlar xotirasiga ehtirom tuyg‘ularini mustahkamlovchi ma’naviy maskan sifatida ham alohida ahamiyat kasb etmoqda.

Bog‘ hududida Ikkinchi jahon urushida ishtirok etib, fidoyilik va qahramonlik ko‘rsatgan Toyloqlik yurtdoshlar xotirasiga bag‘ishlangan yodgorlik majmuasi tashkil etilgan bo‘lib, unda “Hech kim, hech qachon unutilmaydi” degan ezgu g‘oya mujassam etilgan. Ushbu maskan aholining, ayniqsa yoshlarning tarixiy xotira va vatanparvarlik ruhida tarbiyalanishida muhim o‘rin tutmoqda.

Xalq deputatlari Toyloq tumani Kengashi deputatlari hamda mas’ul tashkilot vakillari tomonidan mazkur hududda amalga oshirilgan bunyodkorlik ishlari, ajratilgan mablag‘larning maqsadli sarflanishi va yaratilgan shart-sharoitlar bilan yaqindan tanishildi.

Tuman markazida bunyod etilgan ushbu ko‘rkam maskan Toyloqliklarda faxr va iftixor tuyg‘ularini yanada mustahkamlab, yurt ravnaqi va inson qadri yo‘lida amalga oshirilayotgan ezgu ishlarning amaliy ifodasiga aylanmoqda.

#Sessiya


✅Bizni kuzatib boring:👇
|📲 Telegram | 💻Facebook